پيٽ ڦاٽو: ڀرت جو هڪ قسم. ڦلڙيءَ جو هي قسم تمام گهٽ يا معمولي سمجهيو وڃي ٿو. جيتوڻيڪ هيءُ گل جو هڪ قسم آهي، جنهن جو اندريون دائرو بلڪل خالي ٿئي ٿو. دائري جي مٿان سخت قسم جون ٽي يا وڌ ۾ وڌ چار ڀتيون ٺاهبيون آهن. ڦلڙيءَ جو هي قسم گهڻو محنت طلب نه آهي ۽ نه ئي ايڏو مقبول آهي، ڇاڪاڻ ته منجهس ايڏي سونهن ڪا نه ٿئي. انهيءَ کان سواءِ سگهڙ زالون گلن جا ٻيا به ڪيترائي قسم ڳاني کي سونهن وارو بنائڻ لاءِ ٽاڪينديون آهن.